Unha nova forma de relacionarse e experimentar a Natureza nun vínculo especial que esperta os teus sentidos. A miña cosmética conéctache co sentir, algo tan esquecido e necesario como factor humano esencial, máis se cabe despois do vivido en época de confinamento, necesitamos reforzar esa conexión cos sentidos e coa contorna natural. Mar Laurel cosmética consciente está creada coas mans da alma, froito da inspiración e a conexión profunda que sinto co mundo das plantas.

As miñas formulacións nacen da observación. Están deseñadas seguindo as proporcións divinas que a propia Natureza segue como un cánon natural, para que transformes as túas rutinas de coidado persoal en experiencias sensoriais cargadas de enerxía positiva e harmonía. Os seus aromas transpórtannos á terra e lémbrannos que formamos parte dela nunha simbiose que se mostra como unha experiencia sensorial reveladora. Os aceites esenciais conteñen a esencia pura, a alma das plantas, interactuando coa túa propia esencia, enriquecendo o teu mundo interior estimulado polos ricos aromas que evocan en ti emocións positivas. Convídoche a vivir unha experiencia única… Unha cosmética vivencial.