O Rei Sabio deulle rango de Lei á idea de acompañar o bebercio con algo de picar. En Lugo segue sendo de obrigado cumprimento e de carácter gratuíto. A praza do Campo, a rúa Nova, a da Cruz e outras rúas veciñas do Café+Pub Medievo e da Catedral conforman o Roteiro dos Viños lucense. Cada local ofrece as súas especialidades en viños e tapas, e os nosos mesóns e restaurantes teñen merecida fama pola calidade dos produtos locais, a excelencia das súas creacións culinarias e a abundancia das súas racións. Saír de viños é unha forma de vivir que en Lugo practícase todos os días da semana. Xa o dicía Julio César: « Beati Hispani quibus bibere vivere est».

A cidade de Lugo naceu como acrópole romana, e desta época conserva o seu perímetro amurallado, as termas e a ponte sobre o Miño. Pero tamén o Burgo Medieval atópase disimulado entre as casas, prazas e rúas deste barrio de intramuros. Veciñas do Medievo son varias casas de tipoloxía medieval, algunhas recentemente rehabilitadas, e a nosa xoia románica, a Catedral de Lugo, que comezaron a edificar mestres canteiros do século XII. O magnífico Pantocrátor da súa porta norte é unha das obras mestras da nosa escultura románica. O claustro románico-gótico do antigo convento franciscano hoxe forma parte do Museo de Lugo e é unha dos seus máis valiosas xoias.