Conformado por un equipo sempre novo e dinámico. Aprendemos facendo. Viaxamos. Colaboramos. Innovamos traballando e buscamos sempre o mellor equilibrio entre cociña tradicional e moderna. O produto de calidade é o protagonista. Se é ecolóxico, mellor. E se é de proximidade e ecolóxico, está no Paprica seguro. O resultado de todo isto son pratos creativos marcados polas estacións do ano e os produtos locais de calidade. Desde a nosa apertura no 2007 conseguimos xa varios recoñecementos, entre os que podemos destacar a Q de Calidade Turística (primeiro restaurante en obter esta distinción en Lugo) e a mención que, por sorte, renovamos anualmente na Guía Michelín.

Para acceder ao Restaurante pasarás por diante da Adega e da Cociña na que estaremos, seguro, moi atareados. No Restaurante servimos calquera cousa que se che antolle da nosa oferta.Desde o Restaurante tamén poderás ver a cociña e a Terraza. O espazo dedicado ao Restaurante é unha sala acolledora con decoración moi actual da que nos aproveitamos para poder expoñer de forma frecuente obras de artistas locais.