A nosa tenda en liña está realizada por nós, co cal, atopardes unha chea de imperfeccións, porque queremos ofrecer fotos reais, sen retoques e lograr transmitir a mesma esencia que cando ides comprar á tenda física, esa esencia que se perde diante dunha pantalla, esa esencia da tenda de barrio, próxima e campechana. Eses... somos nós!! As fotos son dos nosos nenos, os que trotan día a día os nosos zapatos para poñelos a proba de bomba.

Este é un proxecto feito con moito mimo e esforzo, polo que nos gustaría animarvos a que visitásedes a tenda en liña e comentásedesnos que é o que máis vos gusta, así como se tedes algunha suxerencia que facernos para poder mellorar. Podedes deixarnos os vosos comentarios en info@pekeslugo.com. Para os que non a coñezades, na nosa tenda física dispoñemos dunha zona de xogos para que ir de compras non sexa nin aburrido, nin un rolo. En Pekes non só poderás atopar calzado, tamén dispoñemos dunha serie de complementos como calcetíns, artigos para o pelo, chubasqueros, mochilas, paraugas…